Komisioni i Pavarur i Kualifikimit njofton se, pas shqyrtimit të dokumentacionit dhe zhvillimit të seancës dëgjimore më datë 24.06.2019 për subjektin e rivlerësimit, z. Eugen Beci  bazuar në ligjin nr. 84/2016, sot, më datë 26.06.2019, vendosi:

Shkarkimin nga  detyra të subjektit të rivlerësimit, Eugen Beci, prokuror i Prokurorisë pranë Gykatës së Shkallës së Parë për Krimet e Rënda Tiranë. 

Vendimi i arsyetuar me shkrim nga trupi gjykues i  kryesuar nga znj. Valbona Sanxhaktari, znj. Xhensila Pine relatore, z. Roland Ilia anëtar, do t’u njoftohet subjektit të rivlerësimit, komisionerëve publikë dhe vëzhguesve ndërkombëtarë brenda 30 ditëve.

Ndaj këtij vendimi, mund të ushtrohet  ankimim  pranë Kolegjit të Posaçëm të Apelimit nga subjekti i rivlerësimit dhe/ose Komisioneri Publik 15 ditë nga data e njoftimit të vendimit të Komisionit. Ankimi depozitohet pranë Komisionit të Pavarur të Kualifikimit.