Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore, në datë 16.4.2021 për subjektin e rivlerësimit, znj. Gentiana Xhelili bazuar në ligjin nr. 84/2016, sot, në datën 21.4.2021, vendosi:
Shkarkimin nga detyra të subjektit të rivlerësimit, znj. Gentiana Xhelili, gjyqtare në Gjykatën e Rrethit Gjyqësor Vlorë.
Vendimi i arsyetuar me shkrim nga trupi gjykues i kryesuar nga znj.Pamela Qirko, znj. Etleda Çiftja relatore, z. Roland Ilia anëtar, do t’u njoftohet subjektit të rivlerësimit, komisionerëve publikë dhe vëzhguesve ndërkombëtarë brenda 30 ditëve.
Ky vendim mund të ankimohet në Kolegjin e Posaçëm të Apelimit nga subjekti i rivlerësimit dhe/ose Komisioneri Publik 15 ditë nga data e njoftimit të vendimit të Komisionit. Ankimi depozitohet në Komisionin e Pavarur të Kualifikimit.