Znj. Pamela Qirko i dorëzon detyrën Kryetarit të ri të KPK-së, z. Roland Ilia
Drejtuesja në largim e Komisionit të Pavarur të Kualifikimit (KPK), znj. Pamela Qirko, i dorëzoi detyrën Kryetarit të ri të zgjedhur nga Mbledhja e Komisionerëve, z. Roland Ilia, përmes një ceremonie të zhvilluar sot, më 21.07.2023, në ambientet e Komisionit.
Znj. Qirko e uroi Kryetarin Ilia për marrjen e detyrës, duke i bërë gjithashtu një përmbledhje të rezultateve dhe punës së Komisionit përgjatë 3 viteve të fundit nën drejtimin e saj. Nga nisja e procesit të rivlerësimit të gjyqtarëve dhe prokurorëve në Republikën e Shqipërisë, Komisioni ka dhënë deri tani 682 vendime nga 805 subjekte të listës totale.
Për vitin 2023, objektivi i Komisionit është përfundimi i 90% të listës së subjekteve ex officio. Ndërsa për vitin e fundit të mandatit të KPK-së, 2024, synohet përfundimi i të gjithë procesit deri në shtator të këtij viti, për t’i dhënë kohë Komisionerëve për arsyetimin e vendimeve, si dhe procedurave të mundshme të ankimimit.
Komisioni i Pavarur i Kualifikimit njofton se pas shqyrtimit të dokumentacionit dhe zhvillimit të seancës dëgjimore në datën 19.7.2023, për subjektin e rivlerësimit, z. Artur Cara bazuar në ligjin nr. 84/2016, me shumicë votash vendosi:
Komisioni i Pavarur i Kualifikimit, në bazë të ligjit nr. 84/2016, sot, në datën 20.7.2023, ora 17:30, zhvilloi procesin për zgjedhjen e Kryetarit të ri të Komisionit.
Pas votimit të fshehtë të antarëve të KPK-së, si dhe në prani të vëzhguesve ndërkombëtarë të Operacionit Ndërkombëtar të Monitorimit, rezultoi i zgjedhur me 10 vota pro, kandidati Roland Ilia.
Ky rezultat u miratua me vendimin e Mbledhjes së Komisionit nr. 38, datë 20.7.2023.
Z. Roland Ilia, do të fillojë ushtrimin e detyrës së Kryetarit të Komisionit të Pavarur të Kualifikimit në datën 21.7.2023.