- Hyrje
- Parime të përgjithshme
- Informacioni që bëhet publik pa kërkesë
- Publikimi
- Monitorimi
- Autoritet Përgjegjës për Parandalimin e Konfliktit të Interesave
Në përputhje me ligjin nr. 84/2016 “Për rivlerësimin kalimtar të gjyqtarëve dhe prokurorëve në Republikën e Shqipërisë, nenit 7 të ligjit nr. 119/2014 “Për të drejtën e informimit” (LDI) dhe “Programit model të Transparencës” miratuar me urdhrin nr. 14, datë 22.01.2015, të Komisionerit për të Drejtën e Informimit dhe Mbrojtjen e të Dhënave Personale, është përgatitur Programi i Transparencës për Komisionin e Pavarur të Kualifikimit. Nëpërmjet këtij programi synohet që Komisioni i Pavarur i Kualifikimit të ndërtojë dhe rrisë transparencën gjatë procesit për rivlerësimin kalimtar të subjekteve të rivlerësimit. Programi i Transparencës do të përditësohet periodikisht, në përputhje me nenin 5 të LDI-së. Informacioni i publikuar në këtë program synon të bëjë transparencën e veprimtarisë së punës së këtij institucioni nëpërmjet pasqyrimit të detajuar në faqen zyrtare kpk.al. Programi i Transparencës pasqyrohet në rubrika, tekste/përmbajtje, afat kohor për bërjen publike të tij, mënyrën e bërjes publike, si dhe strukturën, e cila prodhon ose administron dokumentin. Në përmbajtje të tij evidentohet skema e publikimit, e cila pasqyron menutë ku adresohet dokumenti në faqen zyrtare në internet. Përveç kësaj, çdo dokument është i aksesueshëm edhe në skemë. Në rubrikat e faqes zyrtare pasqyrohen edhe informacione që karakterizohen nga kufizime të identifikimit të të dhënave personale për shkak të ruajtjes së privatësisë së individëve/subjekteve të të dhënave, etj. Skema e publikimit paraqitet nëpërmjet tabelës përmbledhëse të evidentuar në këtë program.
Parimet kryesore në të cilat mbështetet Programi i Transparencës së KPK-së janë:
- “E drejta për informim” është e drejtë kushtetuese e parashikuar në nenin 23 të saj, e aksesueshme nga të gjithë pa asnjë përjashtim.
- Prezumimi i publikimit maksimal të të dhënave: KPK-ja ushtron funksione publike, për rrjedhojë informacioni që rrjedh nga veprimtaria e tij publikohet në përputhje me legjislacionin në fuqi.
- Zbatimi korrekt i Kushtetutës, ligjit dhe dispozitave ligjore që rregullojnë në mënyrë të posaçme veprimtarinë e KPK-së (ligji nr. 84/2016 “Për rivlerësimin kalimtar të Gjyqtarëve dhe Prokurorëve në Republikën e Shqipërisë”).
- Informacioni përshtatet në gjuhë të qartë e të kuptueshme.
- Organ mbikëqyrës i procedurave të informimit publik është Komisioneri për të Drejtën e Informimit dhe Mbrojtjen e të Dhënave Personale.
- Rishikimi i Programit të Transparencës bëhet sipas së njëjtës procedurë, përmes së cilës është bërë miratimi i tij.
- Informacioni publik pa kërkesë duhet të jetë:
- i plotë;
- i saktë;
- i përditësuar;
- i thjeshtë në konsultim;
- i kuptueshëm;
- lehtësisht i aksesueshëm;
- i pajtueshëm me dokumentet origjinale në posedim të autoritetit publik.
Informacioni i lejuar për publikim është shprehimisht i parashikuar në nenin 7 të ligjit nr. 119/2014.
Në përputhje me këtë Program Transparence të miratuar, institucioni vendos në dispozicion të publikut, në faqen e tij të internetit kpk.al, kategoritë e mëposhtme të informacionit:
- Strukturën organizative të autoritetit publik;
- Tekstet e plota, të konventave që janë ratifikuar, të ligjeve, të akteve nënligjore, të kodeve të sjelljes, dokumente politikash, të manualit ose ndonjë dokument tjetër që ka lidhje me ushtrimin e funksioneve të tij dhe që prek publikun e gjerë;
- Informacion për procedurat që duhen ndjekur për të bërë një kërkesë për informim, adresën postare dhe elektronike për depozitimin e kërkesave për informim, si dhe procedurat e ankimit të vendimit përkatës;
- Të dhëna për vendndodhjen e zyrave të institucionit, orarin e punës, emrin dhe kontaktet e koordinatorit për të drejtën e informimit;
- Të dhëna për arsimin, kualifikimet dhe pagat e funksionarëve, të cilët kanë detyrimin për deklarimin e pasurisë, sipas ligjit; strukturat e pagave për nëpunësit e tjerë,si dhe një përshkrim të procedurave të zgjedhjes, kompetencave dhe procedurën që ata ndjekin për të marrë vendime;
- Mekanizmat monitorues dhe të kontrollit që veprojnë mbi autoritetin publik, përfshirë planet strategjike të punës, raportet e auditimit nga Kontrolli i Lartë i Shtetit ose subjekte të tjera, si dhe dokumentet që përmbajnë tregues të performancës së autoritetit;
- Të dhëna për buxhetin dhe planin e shpenzimeve për vitin financiar në vijim, si dhe çdo raport vjetor për zbatimin e buxhetit;
- Informacion për procedurat e prokurimit, duke përfshirë: listën e kontratave të lidhura, shumën e kontraktuar, palët kontraktuese dhe përshkrimin e shërbimeve apo mallrave të kontraktuara, informacionin për zbatimin dhe monitorimin e kontratave;
- Informacion për shërbimet që autoriteti i jep publikut, përfshirë standardet për cilësinë e shërbimit, informacione dhe dokumente që kërkohen shpesh, çdo informacion tjetër që gjykohet i dobishëm nga autoriteti publik;
- Çdo mekanizëm dhe procedurë për bërjen e kërkesave dhe ankesave, në lidhje me veprimet ose mosveprimet e autoritetit publik; procedura, përmes së cilës personat e interesuar mund të paraqesin mendimet e tyre apo të ndikojnë në çfarëdo mënyre tjetër në hartimin e ligjeve, të politikave publike apo ushtrimin e funksioneve të AP-së, si dhe të kategorive të informacionit që bëhet publik pa kërkesë;
- KPK-ja, gjithashtu, krijon dhe arkivon një kopje dixhitale të faqes zyrtare të tij në internet, të plotësuar me informacionin që kërkohet në Programin e miratuar të Transparencës, si dhe për metodat, mekanizmat dhe periodicitetin e publikimit të informacioneve publike, të cilat vihen në dispozicion të publikut pa kërkesë;
- Aktet që përmbajnë rregulla, norma apo kufizime të të drejtave dhe lirive themelore të individit, si dhe me efekt të drejtpërdrejtë për ta, bëhen publike me anë të postimit në faqen zyrtare të internetit brenda 48 orëve prej miratimit të aktit nga AP-ja. Informacioni i publikuar sipas kësaj skeme përditësohet sa herë ai ndryshon.
TABELA PËRMBLEDHËSE E PROGRAMIT TË TRANSPARENCËS SË KPK
Kategoritë e informacionit publik pa kërkesë |
Baza ligjore |
Dokumenti/Përmbajtja |
Afati kohor për publikim |
Mënyra e publikimit |
Struktura përgjegjëse për përgatitjen e materialit apo disponimin e tij |
| Përshkrim i strukturës organizative | Neni 7/1/a i ligjit nr. 119/2014 | Vendimi i Kuvendit nr.83/2020 Për disa shtesa dhe ndryshime në vendimin e Kuvendit nr.93/2017″Për miratimin e strukturës organizative,organikës dhe klasifikimit të pagave të personelit të Kpk” | Menjëherë pas botimit në Fletoren Zyrtare | Në faqen zyrtare në menunë “Rreth nesh” | Drejtoria Ekonomike dhe Shërbimeve Mbështetëse/Specialisti i burimeve njerëzore |
| Përshkrimi i funksioneve dhe detyrave të autoritetit publik | Neni 7/1/a i ligjit nr. 119/2014 | Tabelë e funksioneve, detyrave dhe kompetencave të drejtorëve/ive dhe strukturave përbërëse | Në faqen zyrtare në menunë “Legjislacioni” | Në faqen zyrtare në menunë “Rreth nesh” | Drejtoria Ekonomike dhe Shërbimeve Mbështetëse/Specialisti i burimeve njerëzore |
| Akte ndërkombëtare ligje; akte nën ligjore; dokument tjetër që lidhet me ushtrimin e funksioneve të institucionit |
Neni 7/1/b i ligjit nr. 119/2014 | Ligje
Vendime të titullarit të institucionit Rregullore të brendshme |
Menjëherë pas botimit në Fletoren Zyrtare
Menjëherë pas urdhrit të miratimit nga Kryetari/Komisionerët |
Në faqen zyrtare në menunë “Legjislacioni” | KPK dhe institucione të tjera |
| Informacion për procedurat që duhen ndjekur për të bërë një kërkesë për informim,adresën postare dhe elektronike për depozitimin e kërkesave për informim, si dhe procedurat e ankimit të vendimit | Neni 7/1/c/g i ligjit nr. 119/2014 | Format denoncimi
Informacione Adresa: Rruga e Kavajës, ish-godina e “Lidhjes së Shkrimtarëve dhe Artistëve”, Tiranë Orari: E hënë – E premte, ora 12:00-14:00 E-mail: |
Menjëherë pas miratimit të Programit të Transparencës
Menjëherë në rast ndryshimesh |
Në faqen zyrtare, në menunë “Model denoncimi”
Në faqen zyrtare, në menunë “E drejta për informim – Procedura për informim” Në faqen zyrtare, në menunë “Programi i Transparencës-Informacione” |
Drejtoria e Menaxhimit të Çështjeve dhe Marrëdhënieve me Publikun/ Koordinatori për median dhe marrëdhëniet me jashtë |
| Të dhëna për vendndodhjen e zyrave të autoritetit publik, orarin e punës, emrin dhekontaktet e koordinatorit për të drejtën e informimit | Neni7/1/ç i ligjit nr. 119/2014 | Rruga e Kavajës, ish-godina e “Lidhjes së Shkrimtarëve dhe Artistëve”, Tiranë
Orari i punës: E hënë – E premte, ora 08:30 – 17:00 Koordinatori për të drejtën e informimit Znj. Joniada Koci E-mail: |
Menjëherë pas miratimit të urdhrit të caktimit të koordinatorit | Në faqen zyrtare, në menunë “Adresa dhe kontakte” | Drejtoria e Menaxhimit të Çështjeve dhe Marrëdhënieve me Publikun/ Koordinatori për median dhe marrëdhëniet me jashtë |
| Të dhëna për arsimimin, kualifikimet dhe pagat e funksionarëve, të cilët kanë detyrimin për deklarimin e pasurisë
Strukturat e pagave për nëpunësit e tjerë Përshkrim i procedurave të zgjedhjes, kompetencave dhe detyrave të funksionarëve të lartë dhe procedura që ata ndjekin për të marë vendime |
Neni 7/1/d i ligjit nr. 119/2014 | Të dhëna për kualifikimet e komisionerëve
Të dhëna për kualifikimet e këshilltarëve ligjorë dhe këshilltarëve ekonomikë Përshkrim/dispozitat e ligjit nr. 84/2016. |
Menjëherë pas botimit në Fletoren Zyrtare | Në faqen zyrtare, në menunë “Rreth nesh” | Drejtoria Ekonomike dhe Shërbimeve Mbështetëse/ Specialisti i burimeve njerëzore |
| Mekanizmat monitorues; raporte auditi; dokumentet me tregues performance | Neni7/1/dh i ligjit nr. 119/2014 | Raporte monitorimi dhe auditimi (KLSH) | Menjëherë pas depozitimit në KPK ose publikimit në faqen zyrtare të autoritetit monitorues | Në faqen zyrtare, në menunë “Publikime” | Drejtoria Ekonomike dhe Shërbimeve Mbështetëse/ Specialisti i financës |
| Buxheti;
Plani financiar për vitin financiar në vijim |
Neni 7/1/e i ligjit nr. 119/2014 | Buxheti
|
Menjëherë pas miratimit të ligjit të buxhetit | Në faqen zyrtare, në menunë “Rreth nesh- Buxheti/prokurimet” | Drejtoria Ekonomike dhe Shërbimeve Mbështetëse/ Specialisti i financës |
| Informacion për procedurat e prokurimit | Neni 7/1/ë i ligjit nr. 119/2014 | Rregjistri i parashikimit të prokurimeve | Menjëherë pas dërgimit në APP | Në faqen zyrtare, në menunë “Rreth nesh -Buxheti/prokurimet” | Drejtoria Ekonomike dhe Shërbimeve Mbështetëse/ Specialisti i financës |
| Shërbimet e autoritetit për publikun
Regjistri i kërkesave dhe përgjigjeve |
Neni 7/1/f i ligjit nr. 119/2014
Neni 7/1/i; Neni 8 i ligjit nr.119/2014 |
Regjistri i denoncimeve | Përditësohet periodikisht | Në faqen zyrtare, në menunë “E drejta për informim-Regjistra” | Drejtoria Ekonomike dhe Shërbimeve Mbështetëse/ Specialisti i pritjes me popullin
Koordinatori për të drejtën e informimit |
| Paraqitja e mendimeve në hartimin e projektakteve, etj. | Neni 7/1/gj i ligjit nr. 119/2014 | Projektakt ligjor dhe nënligjor
Projektstrategji |
Menjëherë pas hartimit të projektaktit/projektstrategjisë | Në faqen zyrtare, në menunë “Publikime – Njoftimi për konsultim publik” | Drejtoria e Menaxhimit të Çështjeve dhe Marrëdhënieve me Median dhe Publikun |
| Mbajtja e dokumentacionit nga KPK | Neni 7/1/h i ligjit nr. 119/2014 | Tabelë | Pas miratimit të tabelës | Në faqen zyrtare, në menunë “Programi i Transparencës – Informacione” | Drejtoria Ekonomike dhe Shërbimeve Mbështetëse/Specialisti i Arkiv/Protokollit |
| Informacione dhe dokumente që kërkohen shpesh | Neni 7/1/k i ligjit nr. 119/2014 | Të dhëna statistikore | Përditësohet periodikisht
Menjëherë pas miratimit të modelit |
Në faqen zyrtare, në menunë “E drejta e informimit – Informacione dhe dokumente që kërkohen shpesh” | Drejtoria e Menaxhimit të Çështjeve dhe Marrëdhënieve me Median dhe Publikun/ Koordinatori për median dhe marrëdhëniet me jashtë |
| Informacione të tjera të dobishme | Neni 7/1/l i ligjit nr. 119/2014 | Mbrojtja e të dhënave personale
Materiale ndërgjegjësuese Evente |
Menjëherë pas miratimit nga Mbledhja e Komisionerëve | Në faqen zyrtare, në menunë “E drejta e informimit-Informacione”
Në faqen zyrtare, në menunë “Publikime – Evente” |
Drejtoria e Menaxhimit të Çështjeve dhe Marrëdhënieve me Median dhe Publikun/ Koordinatori për median dhe marrëdhëniet me jashtë |
Në përputhje me këtë Program Transparence të miratuar, AP-ja vendos në dispozicion të publikut, në faqen e tij të internetit kpk.al dhe në mjediset e pritjes së publikut, kategoritë e mësipërme, në një menu të veçantë të titulluar “Programi i Transparencës”.
Komisioneri për të Drejtën e Informimit dhe Mbrojtjen e të Dhënave Personale monitoron zbatimin e LDI, duke nxitur parimin e transparencës në punën e autoriteteve publike, veçanërisht duke sensibilizuar dhe informuar për çështje të së drejtës së informimit. Komisioneri bën rekomandime për autoritetet publike lidhur me konceptimin dhe zbatimin e programeve institucionale të transparencës.