Kryetarja e Komisionit të Pavarur të Kualifikimit (KPK), znj. Pamela Qirko, u prit sot në një takim nga Kryetari i Këshillit të Lartë të Prokurorisë z. Alfred Balla, në ambientet e Këshillit të Lartë të Prokurorisë (KLP).
Tëmë e këtij takimi ishte vijueshmëria e bashkëpunimit mes dy institucioneve në kuadër të procesit të rivlerësimit kalimtar të prokurorëve në Republikën e Shqipërisë.
Krerët e të dy institucioneve shkëmbyen mendime në lidhje me punën e kryer dhe sfidat në vazhdim, ndërsa ritheksuan vullnetin e vijimit të bashkëpunimit ndërinstitucional në funksion të procesit të vettingut.
Zonja Qirko e uroi gjithashtu zotin Balla për detyrën e tij si Kryetar i Këshillit të Lartë të Prokurorisë.